İmtahan Mərkəzi

Təxminən bir ildən çoxdur ki “Dövlət Qulluğuna Hazırlıq” adlı Dövlət Qulluğuna qəbul üçün qanunvericilik üzrə mobil tətbiqi istifadəyə vermişəm. İstifadəçilər tərəfindən maraqla qarşılandığını və onlara kömək olduğu barədə e-poçtuma gələn rəylərdən sonra qərara gəldim ki, İmtahan Mərkəzi portalını qurum.

İmtahan Mərkəzi ölkədə keçirilən imtahanlarla bağlı sualların cavablandırıldığı, test tapşırıqlarının edildiyi sadə bir portaldır.

Burada istifadəçilər öz təcrübələrini paylaşa bilir, başqalarının təcrübələrindən faydalana bilir və çətinlik çəkdikləri test tapşırıqlarının həllini öyrənə bilirlər.

Əsas məqsəd isə odur ki, sosial şəbəkələrdə bu tip grup vəya səhifələrdə edilən paylaşımları bir neçə ay sonra tapmaq biraz çətindir və vaxt aparır. Ancaq internet səhifəsi olduqda bu bir qədər asanlaşır. Nəticədə bütün paylaşılan təcrübə və test tapşırıqlarını asanlıqla tapıb yenidən oxuma imkanı yaranır.

Buyurun sizin üçün də maraqlıdırsa www.imtahanmerkezi.com portalını ziyarət edin.

Dövlət qulluğuna hazırlıq android tətbiqi

Hər il dövlət, magistratura və s. imtahanlarında iştirak edən biri olaraq düşündüm ki, belə bir proqram lazımdır. Çünki hərgün hamımız metroda, avtobusda orda burda oluruq ancaq telefonumuz həmişə yanımızdadır. Sözün düzü proqramı özüm üçün düşünmüşdüm. Telefonda PDF dən oxumaq çətin olur. Çünki şriftləri böyütdükçə görüntü dağılır və s problemlər meydana çıxır. Əlbətdə bunların çarəsi var ancaq ayrıca bir proqramda sizə lazım olan  bütün materialların bir yerde olması və istədiyiniz zaman çox sadə bir tətbiq ilə bu materiallara əlinizin çatması işinizi asanlaşdırmış olur.

Mobil tətbiqlərin proqramlaşdırılması ilə məşğul deyiləm. Sadəcə Android Studio incələrkən şəxsi istifadə üçün nəzərdə tutduğum tətbiqi istək olduğu üçün ümumi istifadəyə açdım. Google Play marketdə “DQMK” vəya “Anar Samadov”  açar sözlərini daxil edərək tətbiqi mobil cihazınıza yükləyə bilərsiniz.

Əlbətdə bu tip tətbiqlər var və bu tətbiq Dövlət Qulluğu imtahan mövzusunda ilk deyil. Sadəcə şəxsi düşüncəm bəzi bu tip proqramlarda mətnlər oxunaqlı deyil. İç içə və qarışıq şəkildə daxil edildiyi üçün diqqəti pozur. Hazırladığım tətbiqdə əsas diqqət etdiyim mövzu budur. Tətbiq çox sadədir və istifadəçinin diqqətini dağıtacaq əlavə funskiya reklam və s yoxdur.

Tətbiqə hazırda qanunlar əlavə edilir və yaxın tarixlərdə bütün əlavələr edilərək tətbiq yenilənəcədir. Fikirlərinizi, təkliflərinizi şərhlərdə bildirsəniz məmnun olaram.

Əlavə olaraq onu da qeyd edim ki, tətbiqdəki materiallar “Azərbaycan Respublikasının Prezidenti yanında Dövlət Qulluğu Məsələləri üzrə Komissiya”nın internet səhifəsindəki proqramlara əsasən əlavə edilir.

Bu tətbiq “Azərbaycan Respublikasının Prezidenti yanında Dövlət Qulluğu Məsələləri üzrə Komissiya” nın rəsmi tətbiqi deyil və komissiya ilə heçbir əlaqəsi yoxdur.

Namizədlərə imtahanda uğur arzu edirəm.

Tətbiqi mobil cihazınıza yükləyin: “Dövlət qulluğuna hazırlıq-DQMK