Yar qasidi

Sən yarımın qasidisən,
Əylən, sənə çay demişəm.
Xəyalım göndəribdi
Bəski mən ax-vay demişəm.

Ax! Gecələr yatmamışam,
Mən sənə lay-lay demişəm.
Sən yatalı, mən gözümə
Ulduzları say demişəm.

Hər kəs sənə “ulduz” deyə,
Özüm sənə “ay” demişəm.
Səndən sora həyata mən
Şirindisə, zay demişəm.

Hər gözəldən bir gül alıb,
Sən gözələ pay demişəm.
Sənin gün tək batmağıvı
Ay balana tay demişəm.

İndi yaya qış deyirəm,
Sabiq qışa yay demişəm.
Gah toyuvu yada salıb,
Mən dəli nay-nay demişəm.

Sonra yenə yasa,batıb
Ağları hay-hay demişəm!
Ətək dolu dərya kimi,
Göz yaşıma çay demişəm.

Ömrə, sürən mən qaragün
Ax demişəm, vay demişəm!

Şeiri şairin öz səsi ilə dinləyin:

Dərc edən

Anar SAMADOV

Bilgi paylaşdıqca çoxalır deyərək paylaşmağa çalışıram bildiklərimi, öyrəndiklərimi və xoşuma gələnləri :)

One thought on “Yar qasidi”

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir